Омбудсмен 

Қорда іскерлік этика қағидаттарын сақтау және әлеуметтік-еңбек дауларын тиімді реттеу мақсатында Омбудсмен тағайындалады.
Омбудсмен бейтарап тұлға ретінде еңбек дауларына қатысушы қызметкерлерге кеңес береді, жанжалдарды шешуге және заңнама мен құпиялықты сақтай отырып, өзара тиімді шешім табуға көмектеседі. Оның қызметі сонымен қатар корпоративтік мәдениетті нығайтуға және кәсіби мінез-құлық пен іскерлік этиканың жоғары стандарттарын дамытуға бағытталған.

Омбудсмен жұмысының негізгі қағидаттары:
-   тәуелсіздік және бейтараптық;
-   құпиялылық;
-   бейресми қарым-қатынас.

Қызметкерлердің өтініштері бойынша құпиялылық қатаң түрде сақталады. Жеке тұлғаны анықтауға мүмкіндік беретін ақпарат өтініш иесінің келісімінсіз жария етілмейді (Қазақстан Республикасының заңнамасында көзделген жағдайларды қоспағанда).

Омбудсмен шағым берушілердің жеке деректерін ашпай-ақ, анықталған мәселелерді жою және Қордың ішкі саясатын жетілдіру бойынша жалпы ұсыныстар енгізе алады.

Жылдық жұмыс жоспары аясында Орталық аппарат пен филиал қызметкерлерімен кездесулер, сондай-ақ анонимді сауалнама жүргізу жоспарланған.

Омбудсменнің байланыс ақпараты төменде орналастырылған.